كلمات أغنية الليل رقية ماغي

الليل شباك الحنين و باب من صدق الغرام
و القلب شاعر لا لِفى طاريك جر ربابته

و أخذت من بيض الورق و أخذت من حبر الظلام
و أسهرت هاجوس الشعر يرسم على سحابته

الليل شباك الحنين و باب من صدق الغرام
و القلب شاعر لا لِفى طاريك جر ربابته

و أخذت من بيض الورق و أخذت من حبر الظلام
و أسهرت هاجوس الشعر يرسم على سحابته

للشعر في صدري دلالٍ فاحت بحلو الكلام
و البِن ما زيّٓد غلاه إلا غلا صبّابته

وانا طموحي للأمام إلى الأمام إلى الأمام
وامشي مع فكري سِما مع إن رجلي ثابته

تعال في روض الغلا والشوق يمطر لك هيام
و الأرض بإحساس الغلا يا مهجتي لك نابته

غصنٍ يغني يا هلا وغصنٍ يردِّد يا سلام
يا حي وإن عطرك لِفى ويا حي ريحٍ جابِته

إنت الوحيد اللي تنفستك وأعيشك ألف عام
يا حب يكبر كل ما زادوا كذب عيابِته

أهْتم بِك تهتم بي كِلِّك وأنا كِلّي اهتِمام
يا حب أدفى بك غلا يوم إكثروا حطّابِته

يمطِرْ غلاك وترتوي في داخلي عطش الخِزام
والقلب شايِب شاف في قربك غلا قرّابته

تعال وإحسب كم غلا كم شوق فيني و إحترام
وش كثر أحبِّك ما دريت ولا اقْدِروْا حسّابته

لكن أعٓرْف إنّي بحبِّك ما قِبلت الإنقِسام
روحين في نفس الجِسدْ وفينا معاني ثابته

أنا معك في صحوتي وإن نمت يا حلم المنام
يا حب يكبر بي غلاه وكل عينٍ هابته

تقرير بالمعلومات والتفاصيل

إستماع ومشاهدة الكليب أونلاين وتحميل على يوتيوب