كلمات أغنية في السما زاب ثروت و ساري و أمير عيد مشاهدة كليب وتحميل واستماع الآن
كلمات أغنية في السما زاب ثروت و ساري و أمير عيد مشاهدة كليب وتحميل واستماع الآن
الحفلة زحمة مليانة وشوش كتير أعرفها
خلان و اعمام و أسامى لسة صعب أنطقها
عشرة و محبة واضحين مبين الناس حواليا
بيقولوا دة عيد ميلادي و الحفلة دية معمولة ليا
ما بين كتير هداية كان جواب مبعوت لإسمي
مكتوب عليه بخط أمى لحبيبى إبني
طب ليه جواب ما إنتى دايماً جنبي طول الوقت
بلاش لماضة بقى إفتح جوابك لو سمحت
قالتلي فى الجواب كل سنة وانت زيي
ما انت جوة قلبي فى المكانة ملكش زي
تكبر و اشوفك زى ما انت عايز تبقى عايز
كدة او كدة حبيبي و لكلام جوابى حاسس
و كبرت اكتر و سنينى زادت عن صوابعي
عصبي و صوتي عالي أمي خافت يبقى طبعي
فقالتلي يا ابني خلي بالك دايما من كلامك
الكلمة سيف يا تقل منك يا تزيد مقامك
و فى يوم رجعت من المدرسة متبهدل مـ تراب
و سألت إزاى الغدر ممكن ييجي من الصحاب
و حكتلها الخناقة و سمعتني بكل صبر
و قالتلي لما تهدى إبقى إقرأ من أول سطر
كانت كتبالي جواب عن الصحاب و الجدعنة
و قالتلى إختار اللي يقول إحنا بدل ما يقول أنا
و اعرف إن الصحاب لا بالكترة ولا بالعدد
فى الشدة هما إتنين تلاتة عليهم تعتمد
في السما بشوفك لما الدنيا بيا تضيق
و في الليل بحكيلك عن كل قديم و جديد
فى غيابك دايما جنبى كلامك محفور فى قلبي
رسالتك مش بس كلام رسالتك إنسان أكونه
و كبرت اكتر و الدنيا كبرت أكتر بيا
و بدأت أحس جوة منى إحساس جديد عليا
فحكيتلها عن أحلى بنت فى الجامعة كلها
وصفتها لأمي قلت مشفتش زيها
مش عارف أقولك إيه بس شكلي بحبها
قالتلي إحكيلي عنها أكتر قولي إسمها
مش عارف و متضحكيش عليا إنتى كمان
متسرع على طول مدلوق من صغري من زمان
فقالت لي أهم حاجة لما تحب لازم تقدر
تعرف قيمة حبيبتك و لأحلامها إياك تكسر
و متستعجلش قول الكلمة لما تحسها
و اوعاك تخبي عنها حاجة دايما قولها
عدت سنين كتير و شوفتي ولاد ولادك
رغم الفراق ما بينا عمر ما عيد ميلادى فاتك
بتجيلي فى كل فرحة و بردو لما تضيق عليا
أنا مش مصدق إني عمري ما شوفتكيش بعنيا
ربي إختارك تكوني جنبه و أنا لسة فى اللفة
أكيد مكانك أحلى وأنا مبسوط لك أنتي عارفة
فكتبتي ليا لوحدى ييجي ألف جواب و قصة
بتحاولى تعوضيني عن اللي فاتني و اللي لسة
بس إنتى بتوحشيني و بتمنى تكوني قربي
طول عمري بحس بيكي فكان نفسي تحسي حبي
سامعاني أكيد يا أمي و أكيد كمان شايفاني
لو مش شايفك بعيني فقلبي شايفك من مكاني
في السما بشوفك لما الدنيا بيا تضيق
و في الليل بحكيلك عن كل قديم و جديد
في غيابك دايما جنبي كلامك محفور فى قلبى
رسالتك مش بس كلام رسالتك إنسان أكونه
في ناس بتغيب عن حياتنا
بس في قلوبنا دايماً موجودين
كلمات أغنية في السما زاب ثروت و ساري و أمير عيد مشاهدة كليب وتحميل واستماع الآن
- كتبها المغني الرابر : زاب ثروت
- الألحان وكلمات الكوراس : الملحن / أمير عيد
- منتج التوزيع الموسيقي : الموزع / ساري هاني
- الهندسة الصوتية والتسجيلية : المهندسين / مروان عقل & عبد الله ممدوح
- المونتاج الموسيقي : المطرب والمغني ساري هاني & أمير الشريعي
- الميكساج الموسيقي : المهندسين / مروان عقل & ساري هاني
- الماسترينغ أوديو : المهندسين / هادز
- عزف البيز جيتار : العازف / ساري هاني
- الجيتار : هشام المانسترلي
- الدرامز : أمير الشريعي
- كمان : ياسر غنيم
- التشيلو : محمد حمدي
- مدير إنتاج : سيد مصطفى
- الشكر الخاص : محمد أبو المجد & عماد محمود & أسامة الهادي & محمد إبراهيم & أمنية خليل
- مدير أعمال زاب ثروت : أمير الشريعي
- غناء الكورال : إنجي نظيف & ساري هاني
- استوديو التسجيل : KEY BB
- تنفيذ الإخراج : المصور / أنس طلبة
- عام الإنتاج : أنتجت سنة 2017 لشهر مارس
- إنتاج : Axeer Studio
- العرض الحصري : قناة Axeer Studio في يوتيوب
- اللهجة : المصرية
- الصيغة : MP3 – MP4
- النوع والتصنيف : راب & روك بديل & إندي روك & مواقف حياة
- بلد الإنتاج : دولة / مصر
مشاهدة ممتعة بإذن الله ومشيئته دائما في إنتظار إستفسارتكم وتعليقاتكم ومساعدتكم في حال ظهرت أي مشكلة وأيضاً في حال كان لديكم أي إقتراحات.
نترككم في رعاية الله والسلام عليكم ورحمة الله وبركاته